Aquesta manifestacion amerita un còp d'uèlh : es segurament la manifestacion pacifica occitana que pòrta lo mai de simbolismes :
- un luòc que es un ligam entre Occitània e Catalonha, e tanben la frontièra dels Estats centralistas espanhòl e francés. Bastir l'Euròpa es pas subvencionar perqué la frontièra es passada, bastir l'Euròpa es sosténguer manifestacions coma aquestas.
- un luòc de passa dels republicans cap a França, 70 ans jà ! E que son estats mal acuelhits pels republicans franceses... e agabiats pels pétainistas e nazis o resistents per la democràcia francesa e europèa.
- un luòc de fèsta dempuèi 29 ans, fèsta per la lenga occitana e catalana, un luòc de patz.
Aquesta annada, malgrat los crum e lo vent freg, la fèsta a portat mai de 400 ciutadans de l'Union Europèa, per manifestar per l'occitan e lo catalan.
Dins los discorses s'an pogut entendre mantunas causas que los politicians d'un bòrd e de l'autre son pas a entendre :
- l'occitan es lenga oficiala al Principat de Catalonha, mas amerita una politica pels catalans perqué la lenga siaguèsse coneguda. Las lengas occitana e catalana amerítan mai que politicas culturalas.
- l'immigracion republicana fòrabandida pel franquisme es passada per aquí ; lo jorn de dimenge es un jorn de commemoracion importanta. Car los catalanistas e lo occitanistas son republicans ! Mas contra la democràcia vist de Madriz e la republica vist de París.
- manifestar aquí serà lo resson de las manifestacion anciana de Carcassona e una crida per manifestar a Besièrs, son paraulas de Annie Rieu. E serem 1000 en 2007 ? Es la volontat de la presidenta de l'ASPIC, e bensegur del CAOC que a iniciat l'afar.
Cap comentari:
Publica un comentari a l'entrada