Me soi sempre demandat perqué los franceses emplègan una semantica diferenta per comunicar. Quand se parla de "patois" entendon "langues de France", mas jamai lo nom de las lengas, benlèu que la lista es tròp longa, o benlèu que la mentalizacion de la ierarquia lingüistica à la française impausa quicòm ?...
Parier en Guatemala, es dins l'article d'en Gilles Biassette e Pierre Cochez que podem trapar lo nom del pòble que a la portada es notat "Indiens" a la portada... « Les Indiens du Guatemala font entendre leurs voix » Sembla que l'exemple venguèsse d'Evo Morales en Bolívia. L'article en pagina 8 e 9 es pron utile per saber dels pòbles d'America centrala. Se i parla d'un dubertura d'escòla que pòrta la gelosia dins lo vilatge, mas se parla pas brica de çò que i serà ensenhat dedins e dins quina lenga ... Son parisencs en viatge ! Sábon prendre l'avion e i a jamai problèma lingüistic perqué l'Estat parla pel pòble la lenga unica, mas sábon veire la "tradition" pertot. E pel nom del vilatge an mestièr de prononciacion, pel vilatge visitat Xix (paure de nosautres que sabem la valor del X pirinenc, ne sabem tròp pels parisencs !). Donc lo vilatge es divizat entre «los d'en naut» e «los d'en bas» ; aquò nos cambia gaire ! «Pauc impòrta la color politica de lo que li baila una man secorista. Mas un còp que l'a tocada, te tendrà. "Lo grope d'en naut doten la Gana, lo partit del president de la republica ; los d'en bas preferísson lo PAN, al poder al nivèl local" perseguís Tircio. Dificile dins aquestas condicions de mobilizar la comunautat dins lo seu ensemble per melhorar lo seu biais de viure...» Tot aquò nos cambia gaire de França.
«Al Guatemala, tot es encara a bastir. Atanben la candidatura de Rigoberta Menchu dimenge a las eleccions parisencas seriá un simbòl fòrt : una femna indigèna candidata, es del jamai vist!» L'avem viscut tanben...
E sonque la guèrra civila de 1960 e 1996 que a petat totas las relacions socialas que sembla la granda diferéncia. Mas al mens, es la pròva que la societat guatemalteca se reviscòla aviat, aiçò es pas brica França e zo serà jamai. Es pas una question de societat primièra, pas brica.
Quand la semantica francesa serà clara ? Quand farem comparasons ?
Quand los indigènes occitans faràn entendre las loras votzes ?
En França, la politica dels Faits Divers contunha dins lo bonapartisme people escolhit a la prima.
Cap comentari:
Publica un comentari a l'entrada