Gausi pas mostrar la fòto del PNO que s’amassèt aquesta dimenjada dins lo Gard…
Mas entendi jà las sirènas de la republicanita explicar que la catalanita, «n’i a pron» ! Gais benlèu ?
DEMOCRACIA OCCITANA DOXA UMANISTA OCCITÀNIA LIBERTAT FRANÇA - occitan Democracy Doxa Humanist Occitania Freedom France - Okcitanish Democratie Doxa Humanist Okcitania Freiheit Frankreich - Occitània Democracia Doxa Libertad Umanista ...
Gausi pas mostrar la fòto del PNO que s’amassèt aquesta dimenjada dins lo Gard…
Mas entendi jà las sirènas de la republicanita explicar que la catalanita, «n’i a pron» ! Gais benlèu ?
Rassegurèm las femnas que s'inquietavan ; dijòus d'òmes d'Occitània, avián desaparegut, a Montpelhièr, Pau e Ortès. Per astre son passats a Narbona e an poscut rassegurar L'Occitanisme politic lengadocian e Bearnés.
Tot va plan, assegura l'agéncia oficiala republicana francesa, AFP.
Sortits frescament de París, nos an explicat, en urgéncia ambe iPhone en man, qu'una novèla malautiá èra a tocar Occitània, e qu'aquò èra grèu. La catalanita !
Qu’es aquò la catalanita. Es una malautiá inversa de la republicanita. Vesètz qu’es grèu !
E lo legitimisme occitan confirma la causa en un comunicat que l’urgéncia se mesura. EELV a mandat un comunicat de sosten a ICV per sa campanha per l’autodeterminacion dels pòbles, e Catalonha, lo Partit Occitan es pas tocat per la catalanita, espèra un referèndum iniciat per Unitat d’Aran per zo far saber melhor de quin costat traparà lo seu sosten.