20060807

Corserans, Comenge, Val d'Aran, un país de torista que oblida !





C


Comenge, Val d'Aran, Corserans, a country that forget !

Comminges, Courserans, Val d'Aran, un pays qui oublie !

En tornar de la Pujada de Salau, soi passat a Massat e m'i soi atudat. Un "voide granièr" -dels vertadièrs, convidava a l'atuda. E soi passat a l'ofici de torisme car un amic occitanista encontrat m'a explicat que i aviá mapas del "païs massadèl" disponiblas a l'oficina de torisme ; a l'ofici ai trapat un document que amerita una pichona colèra, mas sonque afica que èra notat 'païs Massadèl', lor caldrà explicar la diferéncia entre "païs" e "país", diferéncia fonetica, ben segur !
Quand ai vist lo document fargat per Factory Studio & Press, ai aviat legit que lo projècte es estat fait pels occitans envergonhits de Comenge o de Coserans, car l'anglés arriba en segonda lenga, aprèp lo francés... Puèi l'espanhòl e lo catalan.
Qui sap pas situat Massat ? Lo país massadèl es lo país lo mai a l'èst de Gasconha, que parla l'occitan de Gasconha.
Aqueste document pels toristas se prepausa de far la promocion d'un país occitan, ben clar e concrèt, conegut per Occitània : Corserans / Comenge / Val d'Aran .... Lo document totun oblida l'usança de l'occitan (e disi pas Lenga d'Òc coma mantunas assisin de l'Education Nacionalista francesa), sense oblidar la crotz occitana ! Es çò que explica Alem Surre Garcia dins La Setmana, los politics accèptan la cultura occitana dins la mesura que apareis pas publicament la lenga !
Çò que m'estona mai es que un "TorismeAran.org" acceptèsse una causa transfrontialièra que l'occitan siaguèsse fòrabandit ! E que ne pensa lo Conselh Generau d'Aran ( que a subvencionat) ? E que ne pensa lo projecte FEDER que a subvencionat l'afar ? Car per aver un projecte europèu d'aquestes cal passar las frontièras d'Estats ! Tot un paradòxe .... Bastir l'Union Europèa, mas ambe las frontièras dels Estats vièlhs e d'Estats etnicidaris !

Espèri que las meunas protestacions (vocala e sul aqueste blòg) a l'oficina del torisme del País Massadèl e sul net, seràn una consequéncia per l'an venent, car l'occitan es tanben pels toristas, de tot escantilh, de Provènça coma de Russia !

Alavètz l'occitan exitís e s'emplèga MILADIUS !