Ai la chança d'èstre abonat a Mesclum la pagina setmanièra occitanista de La Marseillaise. Mas aquesta setmana es, amai d'aquesta pagina, es un article en pagina 26 que amerita d'èstre valorizat.
« Mondializacion. Planhièra de dubèrtura de l'universitat d'estiu del Medef consacrat a la mondializacion. Los estats paures vòlon ben jogar lo jòc mas qun e amb quinas règlas ? »
Quí n'a escrit quicòm dins Le Monde ?
Lo títol contunha en apondre a l'interès de l'article :
« Los Estats paures tústan a la pòrta del Medef [...] »
Es lo president de la Comision de l'Union Africana, Alpha Omar Konaré que a donat lo seu punt de viste grèu sus las règlas de la mondializacion e qu'o explica al Medef.
Dins las paginas Mesclum de La Marseillaise, pagina en occitan provençal que dona un fum d'agenda e mantunes tèxtes militants e literaris, podiái trapar una conclusion a aqueste bilhet escadós :
« Esòp, lo fabulista fabulós - Leis abelhas, que volián pas donar son meu ais òmes, anèron veire Zeus e li demandèron que li donèsse pron de fòrça per tuar d'un còp d'agulhon cu s'aprochariá tròp de la bresca. Aquò agradèt pas a Zeus que decidèt que, tre que ponherián, perdriá, dau còp son agulhon e la vida.
Quand fas de tòrt, se revira contra tu. » Revirada de l' occitanista Guiu Matieu.
Son prevenguts per Esòp al Medef.
Cap comentari:
Publica un comentari a l'entrada